İnmə Müalicəsi və Reabilitasiyası
İşemik və hemorragik inmənin təcili diaqnostikası, müasir medikamentoz müalicəsi və 35 illik təcrübə ilə fərdi motor/nitq reabilitasiyası.
İnmə nədir?
İnmə, beyinin bir hissəsinə qan axınının kəsilməsi və ya azalması nəticəsində baş verən ciddi nevroloji vəziyyətdir. Beyin toxumaları oksigen və qida maddələrindən məhrum olduqda, beyin hüceyrələri bir neçə dəqiqə ərzində ölməyə başlayır.
İnmə təcili tibbi yardım tələb edən kritik vəziyyətdir. Erkən müalicə beyin zədəsini minimuma endirə və potensial fəsadları azalda bilər.
İşemik İnmə
Beyin damarlarının tıxanması nəticəsində yaranır. İnmələrin 85%-ni təşkil edir. Qan laxtalarının və ya aterosklerotik plakların damarları tıxaması ilə əlaqədardır.
Hemorragik İnmə
Beyin damarının partlaması və beyin toxumasına qanaxma nəticəsində yaranır. Yüksək qan təzyiqi, anevrizm və ya damar malformasiyaları səbəb ola bilər.
İnmə əlamətləri
FAST qaydasını xatırlayın - Hər dəqiqə önəmlidir!
Face (Üz)
Üzün bir tərəfi düşür, gülümsəmək çətinləşir
Arms (Qollar)
Bir qolu qaldırmaq çətinləşir, zəiflik hiss olunur
Speech (Nitq)
Danışıq pozulur, sözləri anlamaq və ya söyləmək çətinləşir
Time (Vaxt)
Bu əlamətlərdən hər hansı birini görəndə dərhal 103 zəng edin!
Digər xəbərdarlıq əlamətləri:
- Qəfil kəskin baş ağrısı
- Görmə problemləri (bir və ya iki gözdə)
- Başgicəllənmə, tarazlığın itirilməsi
- Koordinasiya pozğunluğu
- Şüurun qarışması
Müalicə yanaşmamız
Təcili Qiymətləndirmə
MRT və CT skan vasitəsilə inmənin növünün və dərəcəsinin dəqiq müəyyənləşdirilməsi. Qan testləri və digər diaqnostik prosedurlar.
Dərman terapiyası
İşemik inmədə trombolizis (qan laxtalarının həlli), antikoaqulyantlar, antiaqreqantlar. Hemorragik inmədə qan təzyiqinin idarə edilməsi və qanaxmanın dayandırılması.
Reabilitasiya proqramı
Fiziki terapiya, nitq terapiyası, əmək terapiyası. Hərəkət funksiyalarının, danışıq qabiliyyətinin və gündəlik həyat fəaliyyətlərinin bərpası üçün fərdi proqram.
Profilaktika və izləmə
Təkrar inmənin qarşısının alınması üçün risk faktorlarının idarə edilməsi: qan təzyiqi, xolesterin, şəkər xəstəliyi, həyat tərzi dəyişiklikləri. Müntəzəm tibbi nəzarət.
Niyə Dr. Elxan Muradov?
Otuz ildən artıq təcrübə, hərbi dəqiqlik və müasir beynəlxalq nevroloji standartlar.
35+ İl Təcrübə
İnmə müalicəsi və reabilitasiyasında sahəsində onilliklər boyu formalaşmış klinik təcrübə
Hərbi Nevrologiya Komandanlığı
2001-2016-cı illərdə Azərbaycan Silahlı Qüvvələrinin Baş Nevroloqu kimi ən mürəkkəb travma və neyrotravmaların idarəsi.
Türkiyə İxtisaslaşması
Türkiyədə ixtisaslaşma təhsili və ən son sübutlara əsaslanan nevroloji protokollar (EBM).
Müasir MedEra Avadanlıqları
Yüksək dəqiqlikli MRT, KT, EEQ, ENMQ diaqnostikası və kompleks müalicə imkanları.
İnmə müalicəsi üçün bu gün qəbula yazılın
Erkən diaqnostika və peşəkar müalicə sağlamlığınızın bərpası üçün çox önəmlidir.